Нужна помощь в поиске инфы

20. Item in der selben zit und manich jar darvor da waren die wapen also, als hernach geschreben stet. Ein iglich gut man, fursten, greben, herren, ritter unde knechte di waren gewapent in platen, unde auch die burger, mit ihren wäpenrocken darober, zu stormen unde zu striden, mit schoißen unde lipisen, daz zu der platen höret, mit iren gekroneten helmen, darunder liatten si ire kleine ponthuben. Unde fürte man in ire schilde und ire tartschen na unde gleven, unde di gekroneten helme fürte man uf eime kloben. Unde fürten si an iren beinen strichhosen unde darober große wide lersen. Auch fürten si beingewant, das waren roren von leder gemachet als armeleder von sarocken gestippet unde isern bockele vur den knien. Sa worden di reisige lüde geachtet an hondert oder zweihondert gekroneter helme.

21. Item di kleidunge von den luden in Duschern lande was also getan. Di alden lüde, mit namen di manne, drugen wide unde lange kleider unde enhatten nit kneufe an den, sunder an den armen hatten si dri kneufe, vir oder fünf. Di arme waren bescheidelichen wit. Unde die selbe rocke waren umb di brost oben gerunziret unde gefrenziret unde waren vornen ufgeslitzet bit an sinen gortel. Unde die jungen manne drugen korze kleider, di waren abegesneden uf den lenden unde gerunziret unde gevalden, mit engen armen. Die kogeln waren groß. Darnach zuhandes drugen si rocke mit vir und zwenzig oder drißig geren unde lange heuken, die waren gekneufet vorn nider bit uf di fuße, unde stumpe schuwe. Item etzliche trogen kogeln, di hatten vornen einen läppen unde hinden einen läppen, di wanten eime iglichen an sinen knien; di läppen waren vursneden unde gezadelt. Daz hatte manich ja geweret. Item di herren, ritter unde knechte, wanne daz si hobeten, so hatten si lange läppen an iren armen bit uf di erden, gefudert mit kleinespalde oder mit bunte, als den herren unde rittern zugehort. Item die frauwen gingen gekleidet zu hoben unde zu dornzen mit parkleiderri unde darunder rocke mit engen armen, unde daz oberste kleit hiß ein sorkeit unde was bi den siten bineben unden ufgeslitzet unde das gefudert mit bunte zu winter oder mit zinde zu somer, darnach ez zemelich eime iglichen wibe was. Auch trugen dl frauwen, die burgersen in den steden gar zemeliche heuken, di nante man feien, unde was daz kleine gespens von distelsait, krus unde enge bi ein gefalden, mit eime säume binach einer spannen breit; der koste einer 9 gülden oder 10.

Макс пишет:Максимально легкий, но в котором возможно пойти в достаточно серьезный бугурт...

Максимально легкий, но в котором возможно пойти в достаточно серьезный бугурт...